Sensai Bronzing Gelið notað á 4 vegu

Bronzing Gel er vinsælasta vara Sensai (og Beautybox.is) og það kemur sko ekki á óvart. Bronzing gelið er litað gel sem veitir raka og ljóma, það gefur þér hið fullkomna sólkyssta útlit og er hægt að nota gelið á ýmsa vegu. Við ákváðum að taka saman nokkrar leiðir til að nota gelið og sýna ykkur í nýjustu sýnikennslunni.

Fyrst og fremst er hægt að nota gelið eitt og sér til að fríska uppá andlitið dags daglega. Hægt er að nota gelið bæði með bursta eða með höndunum. Passið að draga gelið einnig niður háls og á bringu ef þið eruð í flegnu.

 

Til að fá aukna þekju er fallegt að nota Bronzing Gel sem farðagrunn, undir farða. Með þessari aðferð komumst við oft upp með að nota minna af farðanum. Flawless Satin farðinn frá Sensai er tilvalinn yfir gelið og Highlighting hyljarinn undir augun.

 

Einnig er hægt að nota gelið til að skyggja andlitið á eftir farða. Þessi aðferð ýtir undir beinabygginguna, ásamt því að ýkja sólkysst útlit. Við mælum með að nota fluffy bursta í þessa aðferð.

Síðasta leiðin sem við sýndum er að nota gelið yfir púður. Við notuðum gelið yfir Sensai Total Finish, púður sem einnig er hægt að nota sem farða. Hér þarf sérstaklega að fara varlega þegar gelið er borið á því við viljum ekki færa til púðrið sem er undir. Við notum því aftur fluffy bursta og stimplum gelinu á, ekki draga burstann. 

Sensai Bronzing Gel er fullkomin vara fyrir sumarið þar sem við kjósum oft léttari förðunarvörur á þessum árstíma. Við hvetjum ykkur til að prófa þessar leiðir og finna hvað hentar ykkur best.

Módel Hera Guðlaugsdóttir